കണ്ണാടിയില്‍ നോക്കുമ്പോള്‍

കണ്ണാടിയില്‍ നോക്കുമ്പോൾ

ആരും കാണാത്ത ഒരു കറുത്ത കല

മറ്റാരും കാണാന്‍ സാധ്യതയില്ലാത്ത വയലറ്റ് പൊട്ട്.

നര വീണ ഒരു മുടി

മീശയുടെ നേരിയ വളവ്

ക്രീം തേച്ചും പൌഡറിട്ടും

കൊതിയം വകഞ്ഞുംആരും കാണാത്ത  ഈ

അസ്വസ്ഥതകളെ ഞാന്‍

തന്ത്രപരമായി പൂഴ്ത്തി വച്ചു.

പക്ഷെ, എല്ലാവരും കാണുന്ന

എന്റെ  കോങ്കണ്ണ്‍

എത്ര തന്നെ നോക്കിയിട്ടും

ആഴമുള്ള കിണറിന്റെ

അവസാന പടവില്‍

കുടുങ്ങിക്കിടക്കുന്ന

പ്ലാസ്റ്റിക്ക് കവറുനോക്കുമ്പോലെ

ചൂഴ്ന്നു ചൂഴ്ന്നു നോക്കിയിട്ടും,കണ്ടെത്താനായില്ല

എനിക്കെന്റെ  കോങ്കണ്ണ്‍ !